Njësia Mjekësi dhe Përkujdesje Shëndetësore do të përfshijë trajnime në drejtim të zhvillimit të Formimit të Përgjithshëm dhe Zhvillimit Profesional nga trajnues të specialiteteve të ndryshme mjekësore në dhënien e kujdesit shëndetësor në pacientë kronikë si diabetikë, pacientë me sëmundje kronike kardiovaskulare, në pacientë me sëmundje infektive, në pacientë me sëmundje kronike progresive neurologjike e psikiatrike, si dhe në stomatologji. Edukimi i vazhduar në stomatologji është kthyer në një domosdoshmëri profesionale. Arsimi pasuniversitar është një mjet i rëndësishëm për ruajtjen e njohurive dhe aftësive profesionale të fituara gjatë periudhës universitare dhe përditësimin e njohurive të mjekëve mbi zhvillimet e fundit shkencore, metodat, pajisjet dhe teknikat e reja te trajtimit. Qëllimi i këtyre trajnimeve fokusohet në mbështetja e formimit dhe zhvillimin profesional pasuniversitar të të gjithë profesionistëve të shëndetit oral dhe dentar.